У Вільні запрашаюць на фінісаж незвычайнай выставы пустой паперы «Гефкер»

Reform.news · 8 октября 2024, 00:34

9 кастрычніка ў Віленскім беларускім музеі імя Івана Луцкевіча адбудзецца закрыццё выставы «Гефкер».

«У сераду мы закрываем «Гефкер» — выставу пустэчы, непатрэбнасьці і мэдытацыяў над спадчынай і сховішчамі», — паведамляюць у сацсетках музея.

У 18.00 адбудзецца сустрэча з мовазнаўцам Вінцуком Вячоркам, падчас якой пашукаюць цікавых слоўцаў для апісання аб’ектаў выставы.

У 19.00 — апошні шанц агледзець выставу. Потым адбудзецца канцэрт кампазітара і музыкі Марціньша Вілюмса і паралельны дэмантаж.

«Прыходзьце патусавацца, нефармальна паразмаўляць пра спадчыну, фармальна або нефармальна памаўчаць», — запрашаюць арганізатары.

Уваход вольны.

Адрас Віленскага беларускага музея імя Івана Луцкевіча: Vilniaus g., 20.