«Раб танца» — ігравая карціна з элементамі мак’юментары (псеўдадакументальнага кіно) была знятая незалежнымі беларускімі кінематаграфістамі ў мінскіх лакацыях. Рэжысёрам абсурдысцкай камедыі ў духу 1980-х выступіла Анастасія Алексіевіч, аператар стужкі — Валерый Казанкоў. Фільм распавядае пра маладога чалавека, які няглядзечы на непаразуменне і ганенні з усіх бакоў, займаецца справай, якую ён любіць — танцуе.
Як адзначыла Анастасія Алексіевіч парталу Syg.ma, праект першапачаткова нарадзіўся з героя.
«Першапачаткова ў нас з’явіўся герой — Філіп, а затым мы пісалі пад яго сцэнарый. Нам спадабалася ідэя зрабіць ігравое кіно з элементамі мак’юментары, бо гэта глядзіцца жыва і свежа і ўмоўна ламае 4-ю сцяну, пагружаючы гледача ў пэўную паўрэальную прастору кіно».
Сцэнарый Анастасія пісала разам з аператарам Валерыем Казанковым.
«У гэтым жа складзе фільм першапачаткова распрацоўваўся, здымаўся і мантаваўся, — дадае яна. — У працэсе стварэння мы сустрэлі аднадумцаў, якія ўступілі ў нашу здымачную групу і сталі паўнавартаснымі ўдзельнікамі. Герояў для нашага кіно мы таксама сустракалі на шляху. Шмат што спрацавала магічным, чароўным чынам: прыцягваліся патрэбныя людзі, лакацыі і абставіны. Нам заўжды казалі «так», нават калі было складана ў гэта паверыць».
Паэт Юлій Ілюшчанка піша пра новую стужку:
«Перад намі сюррэалістычная абсурдная замалёўка ў стылістыцы 1980-х. З аднаго боку, гэта бестурботная камедыя, з іншай — рэалістычная сатыра на тленныя будні. У галоўнай ролі хлопец Філіп, якога грае Філіп Марозаў. Ён намагаецца ўсёй сваёй існасцю супрацьстаяць гэтай дурной пустаце дзён — танцам, рамантычным поглядам на свет і новай шчырасцю.
Але рэжысёру і сцэнарысту мала абсурду, у яго трэба абавязкова прыўнесці і дурны зацыклены смех маці Філіпа, і выпадковых кітаянак, і жавальных чарвячкоў, якія пафасна ўплятаюць у канву гісторыі мульцяшнасць і нерэальнасць таго, што адбываецца, нібыта перад намі дурны сон. Ды ўсё ж танец Філіпа з’яўляецца такім пераканаўчым і непадробным, што мы трымаемся за яго, верым у лепшае і жадаем хэпі-энду…».
У карціне здымаліся: Філіп Марозаў, Аксана Екель, ды іншыя артысты. Музыка — O. Lemon. Дызайнер — Юлія Хоняк.
Каманда фільма плануе адправіць сваю карціну на конкурс беларускага кіно фестывалю «Паўночнае ззянне» і на кінафорум «Лістапад».
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
На безрыбье и раб — рыба, получается.