У суботу, 14 сакавіка, у Варшаве адбудзецца перфарматыўная экскурсія ад Тутэйшага тэатра па офісе выдавецтва «Мяне няма».
«Мяне Няма» — рэспектабельнае беларускае незалежнае выдавецтва з офісам на ўскрайку Варшавы.
Тутэйшы Тэатр — уцелаўлёная прага да творчага эксперыменту, гіганты тэатральнай імправізацыі, мастадонты складанай формы.
Спалучэнне гэтых бадзёрых суб’ектаў раней назвалі б алхіміяй.
Вас чакае імерсіўная вандроўка па 7 пакоях офісу выдавецтва, дзе водгукі цяжкай штодзённай працы кніганошаў злучаюцца з мелодыямі тэкстаў, ласкава напетымі акторамі і акторкамі тэатра.
Сусвет асобных твораў ажыццяўляецца на вашых вачах, тае на далонях, ходзіць вашымі нагамі і гэтак далей, і гэтак далей.
Удзел — данат ад 20 злотых. Рэгістрацыя па спасылцы.
Дата: 14 сакавіка
Час: 18.00 (час мясцовы)
Месца: паведамяць па рэгістрацыі, Варшава
