Сёння, 26 сакавіка, а 21.00 па Мінску, адбудзецца канцэрт неймавернай Светы Бень на канале Сепультура Alive.
Для «жывога» анлайн-выступлення артыстка падрыхтавала адмысловую праграму, чакаюцца прэм’еры песень. Таксама на сцэне з’явіцца яшчэ адна культавая фігура беларускай музыкі — Яўген Кучмейна (.К).
Нагадаем, што «Сепультура Alive» — гэта канцэрты беларускіх выканаўцаў у прамым эфіры, на якія можа трапіць кожны з любой кропкі свету, дзе ёсць інтэрнэт. На пляцоўцы ўжо выступалі гурт Volsky, NaviBand, B:N:, «Разбітае сэрца пацана».
Праект існуе без фінансавання донараў, за лік падтрымкі толькі слухачоў, якім прапаноўваецца набыць сімвалічныя квіткі на падзею.
«Каб беларуская музыка трапляла ў кожную хату, дзе яе сапраўды чакаюць», — падкрэслівае місію свайго праекта музычны журналіст Аляксандр Чарнуха.
Падпісвайцеся на культурныя навіны Reform.news у Telegram
