Аўстрыйскі тэлеканал ORF са спасылкай адказных асоб ва Украіне паведаміў, што страты ад удару РФ па Кіева-Пячэрскай лаўры ацанілі ў 40 млн еўра.
Пры наяўнасці неабходнага фінансавання аднаўленчыя работы могуць быць завершаны ўжо ў 2027 годзе.
Зараз завяршаецца мантаж часовага пакрыцця над Успенскім саборам, які ўваходзяць у комплекс Кіева-Пячэрскай лаўры і асабліва моцна пацярпеў ад абстрэлу, паведамілі аўстрыйскім журналістам у Міністэрстве культуры Украіны. Гэты храм плануецца зноў адкрыць для наведвальнікаў і вернікаў.
У ноч на 15 чэрвеня УС РФ нанеслі ўдар па Кіеве. У выніку атакі загарэўся дах Успенскага сабора — больш за 80% даху было пашкоджана. Аднак экстраным службам удалося прадухіліць пранікненне агню ўнутр храма, а прадстаўнікі духавенства і ратавальнікі змаглі аператыўна вынесці каштоўныя рэчы.
У агульнай складанасці розныя пашкоджанні атрымалі яшчэ 17 аб’ектаў аднаго з найважнейшых помнікаў мастацтва пачатку XI стагоддзя і аднаго з галоўных цэнтраў праваслаўя.
З 1990 года Кіева-Пячэрская лаўра з’яўляецца аб’ектам Сусветнай спадчыны ЮНЕСКА.
Падпісвайцеся на культурныя навіны Reform.news у Telegram
