Міністэрства культуры зацвердзіла праект зон аховы вакол сядзібы сямʼі Васіля Быкава ў вёсцы Бычкі Вушацкага раёна. Дом-музей народнага пісьменніка афіцыйна атрымаў статус гісторыка-культурнай каштоўнасці 3-й катэгорыі.
Ахоўная зона таксама ўключае алею памяці ў гонар стагоддзя з дня нараджэння Васіля Быкава, мемарыяльны помнік у выглядзе валуна, устаноўленага на месцы хаты, дзе нарадзіўся народны пісьменнік.
Цяпер у гэтай зоне забаронена будаўніцтва, знішчэнне зялёных насаджэнняў, усталяванне рэкламы і іншыя дзеянні, што могуць пашкодзіць захаванню культурнай спадчыны.
Праект распрацаваны на аснове архіўных і бібліяграфічных даследаванняў, а таксама аналізу горадабудаўнічай сітуацыі і ландшафту мясцовасці.
Дом-музей Васіля Быкава ў Бычках з’явіўся на малой радзіме пісьменніка ў 2004 годзе. Арыгінальны будынак, які датуецца 1933 годам, не захаваўся: мясцовыя ўлады загадалі разабраць яго.
Падпісвайцеся на культурныя навіны Reform.news у Telegram