Распачаўся прыём заявак на пісьменніцкую рэзідэнцыю ў Белавежскай пушчы

Reform.news · 23 января 2025, 18:54

https://reform.news/raspacha-sja-pryjom-zajavak-na-pismennickuju-rjezidjencyju-belavezhskaj-pushchy/

Урочышча Грушкі і Таварыства для дыялогу Tropinka прапануюць стыпендыі для ўдзелу ў рэзідэнцыі для пісьменнікаў з Беларусі, Літвы і Украіны, — паведамляе bellitinfo.

З 7 па 21 сакавіка запрашаюць пяць чалавек ва ўрочышча Грушкі на ўскраіне Белавежскай пушчы.

«У 2019 годзе ў нас з’явілася ідэя запрасіць у пушчу творчых людзей, якія маюць патрэбу ў невялікім спакоі, каб скончыць кнігу, адарвацца ад свету, сабрацца з думкамі, — пішуць арганізатары. — Мы марылі, каб у сядзібе паэтка сустрэла перакладчыка паэзіі, аўтар рамана абмеркаваў яе пераклад са сваёй перакладчыцай, каб на краі пушчы гучалі розныя мовы і завязаўся дыялог – як і належыць памежжу».

Дэдлайн падачы заяўкі — 31 студзеня.

Дэталі ўдзелу ў рэзідэнцыі тут.

Падпісвайцеся на культурныя навіны Reform.news у Telegram