Дакументальная стужка беларускага рэжысёра Андрэя Куцілы «Лісты» («Listy» / «Letters from the Silenced Country»), якая распавядае пра лёсы беларусаў, якія прайшлі праз турэмнае зняволенне, рэпрэсіі і вымушаную эміграцыю, атрымала прэмію Golden Globes Impact Prize for Documentary (прыз за сацыяльны ўплыў у дакументальным кіно ад «Залатога глобуса» ў катэгорыі дакументальнага кіно).
Гэтую дакументальную прэмію ўплыву «Залатога глобуса» (Golden Globes Impact Prize for Documentary) уручаюць на Венецыянскім фестывалі ў якасці незалежнай узнагароды. Прэміяй адзначаюць поўнаметражныя дакументальныя фільмы з афіцыйнай праграмы фестывалю, якія дэманструюць выдатнае майстэрства і ўздымаюць вострыя сацыяльныя праблемы, заклікаючы да культурных змен.
Нагадаем, што 9 верасня на 83-м Венецыянскім міжнародным кінафестывалі прайшла сусветная прэм’ера стужкі Андрэя Куцілы «Лісты» («Listy» / «Letters from the Silenced Country»), стаўшы першай дакументальнай карцінай з незалежнай Беларусі, паказанай у афіцыйнай праграме Венецыянскага кінафестывалю.
Падпісвайцеся на культурныя навіны Reform.news у Telegram
