Нямецкая секцыя міжнароднай арганізацыі «Рэпарцёраў без межаў» (RSF) у 2024 годзе адзначае сваё 30-годдзе. RSF дакументуюць парушэнні свабоды прэсы і інфармацыі па ўсім свеце і інфармуюць грамадскасць аб тым, што журналісты і іх супрацоўнікі знаходзяцца ў небяспецы. Змагаюцца супраць цэнзуры і абмежавальных законаў аб СМІ, як анлайн, так і афлайн, а таксама аказваюць экстраную дапамогу журналістам і іх сем’ям, дзеля таго, каб пераследаваныя маглі працягнуць або аднавіць сваю журналісцкую дзейнасць.
![Беларуская фатографка Віялета Саўчыц удзельнічае ў выставе, прысвечанай трыццацігоддзю «Рэпарцёраў без межаў»](https://reform.news/wp-content/uploads/2024/05/663e587ccc9b5ba8bd38c788_rsf30_9382.jpg)
У маі ў музейным цэнтры ў нямецкім горадзе Золінгене адкрылася фотавыстава пад назвай «Няма свабоды без свабоды прэсы», на якой прадстаўлены работы шасці міжнародных фотажурналістаў, якія вялі рэпартажы з М’янмы, Беларусі, Калумбіі, Кітая, Руанды і Егіпта. Работы ўзятыя з розных выданняў штогадовай фотакнігі «Фатаграфіі для свабоды прэсы».
![Беларуская фатографка Віялета Саўчыц удзельнічае ў выставе, прысвечанай трыццацігоддзю «Рэпарцёраў без межаў»](https://reform.news/wp-content/uploads/2024/05/663e5809bdeec1e810e65ae4_rsf30_9423-scaled.jpg)
Напрыклад, здымкі Віялеты Саўчыц, зробленыя летам 2020-га, былі змешчаны ў фотакнізе 2021 года. У гэтых фатаграфіях аўтарка задакументавала беларускія пратэсты. На адным з яе здымкаў маладая жанчына абдымае салдата — у знак пратэсту супраць дзяржаўнага гвалту.
![Беларуская фатографка Віялета Саўчыц удзельнічае ў выставе, прысвечанай трыццацігоддзю «Рэпарцёраў без межаў»](https://reform.news/wp-content/uploads/2024/05/663e579c20a120669e459367_rsf30_9463-scaled.jpg)
Акрамя фатаграфій на выставе ёсць гістарычны раздзел з прадметамі калекцыі музея, якія засведчваюць, як мастакі змагаліся з цэнзурай і за свабоду слова.
![Беларуская фатографка Віялета Саўчыц удзельнічае ў выставе, прысвечанай трыццацігоддзю «Рэпарцёраў без межаў»](https://reform.news/wp-content/uploads/2024/05/664b432a6d04612917e71682_savchits_20240506_182534.jpg)
«Там, дзе незалежная журналістыка недапушчальная і дзе людзі не могуць свабодна выказваць сваё меркаванне, парушаюцца і іншыя правы чалавека, — паведамляе анатацыя да выставы. — Такім чынам, свабода інфармавання заўсёды з’яўляецца надзейным паказчыкам дэмакратычных умоў у краіне. Выстава закліканая падкрэсліць асаблівую важнасць незалежных СМІ для плюралістычнага і свабоднага грамадства і паказаць, што свабода прэсы не можа ўспрымацца як нешта, што само сабой разумеецца, а з’яўляецца каштоўным актывам, які неабходна абараняць».
![Беларуская фатографка Віялета Саўчыц удзельнічае ў выставе, прысвечанай трыццацігоддзю «Рэпарцёраў без межаў»](https://reform.news/wp-content/uploads/2024/05/663e5c2f0e2f6ec9854fb1f0_rsf30_9385.jpg)
Віялета Саўчыц была затрымана за журналісцкую працу ў ліпені 2020 года, а за асвятленне мітынгу 22 кастрычніка 2020-га была аштрафавана. Яна — аўтарка праекта «Шнары пратэсту», у якім яе героі расказваюць, які след на іхных целах пакінулі падзеі 9–11 жніўня і што значаць для іх гэтыя шнары. Гэты праект заняў трэцяе месца конкурсу «Вольнае слова» (2023).
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: