ЗША захапілі танкер ценявога флоту Расіі ў Індыйскім акіяне
Рэдакцыя Reform.news · 9 лютага 2026, 19:53
https://reform.news/be/zsha-zahapili-tanker-cenjavoga-flotu-rasii-indyjskim-akijane/ЗША захапілі яшчэ адзін танкер расійскага ценявога флоту — судна Aquila II. Аперацыя прайшла ў Індыйскім акіяне.
«За мінулую ноч Узброеныя сілы ЗША правялі агляд, марскі перахоп і абардаж судна Aquila II без якіх-небудзь інцыдэнтаў у зоне адказнасці Інда-Ціхаакіянскага камандавання ЗША», — паведамляе Міністэрства вайны ЗША.
Як заяўляе міністэрства, танкер парушыў каранцін для падсанкцыйных судоў у Карыбскім моры. ЗША пераследавалі танкер да Індыйскага акіяна.
Танкер Aquila II знаходзіцца пад санкцыямі ЗША, ЕС, Вялікабрытаніі, Швейцарыі, Украіны як судна ценявога флоту Расіі. Судна, афіляванае з кампаніяй SUNNE CO LIMITED, выкарыстоўвалася для транспарціроўкі расійскай і венесуэльскай нафты.
When the @DeptofWar says quarantine, we mean it. Nothing will stop DoW from defending our Homeland — even in oceans halfway around the world.
Overnight, U.S. military forces conducted a right-of-visit, maritime interdiction and boarding on the Aquila II without incident in the… pic.twitter.com/kYVAQC5io9
— Department of War 🇺🇸 (@DeptofWar) February 9, 2026