USS Tripoli. Фото: ВМС США
Цэнтральнае камандаванне ЗША, якое адказвае за аперацыі на Блізкім Усходзе, за час блакады іранскіх партоў разгарнула 31 судна. Пра гэта гаворыцца ў паведамленні камандавання.
“Амерыканскія сілы ў рамках блакады супраць Ірана загадалі 31 судну разгарнуцца або вярнуцца ў порт”, – гаворыцца у заяве.
Адзначаецца, што большасць суднаў выканалі загад амерыканскіх вайскоўцаў. У асноўным былі разгорнуты нафтавыя танкеры.
Трэба адзначыць, што паблізу берагоў Ірана амерыканскія вайскоўцы таксама перахапілі два судны, якія адмовіліся падпарадкавацца іх патрабаванням. Акрамя таго, у рамках блакады некалькі суднаў былі разгорнуты, а адно захоплена ў зоне адказнасці Інда-Ціхаакіянскага камандавання.