ЗША пашырылі санкцыі супраць Кубы

Дзяржаўны дэпартамент ЗША абвясціў аб увядзенні новых санкцый супраць Кубы.

“Сёння Дзяржаўны дэпартамент уносіць у санкцыйны спіс дзесяць арганізацый для далейшага ажыццяўлення комплекснай стратэгіі адміністрацыі Трампа па спыненні зламыснай дзейнасці кубінскага рэжыму як на Кубе, так і па ўсім нашым паўшар’і.

Гэтыя дзеянні накіраваныя супраць узаемазвязаных элементаў гэтага апарату: дзяржаўных прадпрыемстваў, якія накіроўваюць даходы рэжыму і ваенізаваным фарміраванням, узброеных грамадзянскіх груп і арганізацый, якія займаюцца сачэннем і рэпрэсіямі супраць кубінскага народа”, — гаворыцца ў заяве.

Пад санкцыі трапілі:

• Апалчэнне тэрытарыяльных войскаў,
• Асацыяцыя змагароў кубінскай рэвалюцыі,
• Брыгады хуткага рэагавання,
• кампаніі са сферы экспарту, энергетыкі, марскога транспарту,
• Міністэрства турызму Кубы.