Зяленскі: ЗША будуць выдзяляць Украіне ракеты для Patriot кожны месяц, але іх недастаткова
Рэдакцыя Reform.news · 8 жніўня 2026, 15:39
https://reform.news/be/zjalenski-zsha-buduc-vydzjaljac-ukraine-rakety-dlja-patriot-kozhny-mesjac-ale-ih-nedastatkova/Ва Украіны ёсць дамоўленасць з ЗША аб пастаўках ракет-перахопнікаў для Patriot штомесяц, але іх недастаткова для абароны Украіны, заявіў Уладзімір Зяленскі 8 жніўня на сумеснай прэс-канферэнцыі з прэзідэнтам Сербіі Аляксандрам Вучычам.
«Ці будуць яны выдзяляць нам ракеты кожны месяц? Так, у нас ёсць дамоўленасць. Ці дастаткова гэтых ракет? Не. …Гэтых ракет стала менш у 2026 годзе. У 2025-м іх было больш, скажу вам адкрыта», — заявіў Зяленскі, не ўдакладніўшы, колькі менавіта ракет Кіеў атрымлівае кожны месяц.
Зяленскі адзначыў, што сур’ёзна дапамагчы з пастаўкамі ракет могуць Германія і Польшча.
«Іншыя краіны патроху дапамагаюць», — адзначыў Зяленскі. Ён заявіў, што пастаянна вядзе перамовы з іншымі краінамі наконт паставак ракет для Patriot па-за амерыканскім пакетам.
Зяленскі таксама адзначыў, што чатыры гады таму прасіў у прэзідэнта ЗША Джо Байдэна ліцэнзіі для вытворчасці ракет для Patriot. Калі б Украіна атрымала іх тады, яна б ужо масава вырабляла перахопнікі, лічыць Зяленскі.
Раней Украіна заяўляла пра дэфіцыт ракет для Patriot, з-за чаго Кіеў не можа збіваць расійскую балістыку.