Генштаб УСУ пацвердзіў удар па заводзе ў Арле і паведаміў пра паражэнне двух расійскіх «Искандеров»

Рэдакцыя Reform.news · 7 лістапада 2026, 12:57

https://reform.news/be/genshtab-usu-pacverdzi-udar-pa-zavodze-arle-i-pavedami-pra-parazhjenne-dvuh-rasijskih-iskanderov/

Генеральны штаб УСУ пацвердзіў, што ў ноч на 7 лістапада ўкраінскія вайскоўцы нанеслі ўдар па прадпрыемстве «Протон-Электротекс» у расійскім Арле. Для атакі выкарыстоўваліся берагавыя ракетныя комплексы «Нептун» Ваенна-марскіх сіл Украіны.

“Зафіксавана пападанне ў цэль, на тэрыторыі аб’екта ўзнік пажар, раздаваліся выбухі. Маштабы нанесенай шкоды ўдакладняюцца”, – паведамілі вайскоўцы.

«Протон-Электротекс» займаецца вытворчасцю оптаэлектроннага абсталявання і электронных кампанентаў. Паводле даных Генштаба УСУ, прадпрыемства выпускае, у прыватнасці, модулі для авіяцыйных крылатых ракет «Ковер» і пераключальнікі-інвертары для балістычных ракет 9М723 аператыўна-тактычнага комплексу «Искандер-М».

Акрамя таго, Генштаб УСУ заявіў, што ў Бранскай вобласці былі паражаны дзве пускавыя ўстаноўкі аператыўна-тактычнага ракетнага комплексу «Искандер». Ступень іх пашкоджання пакуль удакладняецца. Таксама ў Бранскай вобласці пад удар трапіў зенітны ракетна-гарматны комплекс «Панцирь-С1».

На акупаванай тэрыторыі Луганскай вобласці ўкраінскія вайскоўцы нанеслі ўдары па складах матэрыяльна-тэхнічнага забеспячэння расійскіх войскаў у раёнах Сокалагорска і Заайдараўкі.

У Запарожскай вобласці, у раёне Новабагданаўкі, было паражана месца засяроджвання расійскіх аператараў беспілотнікаў.