Владимир Зеленский. Фото: t.me/V_Zelenskiy_official
Прэзідэнт Украіны Уладзімір Зяленскі намякнуў на меры супраць беларускай нафтаперапрацоўчай прамысловасці, калі Беларусь не спыніць пастаўкі паліва для расійскай арміі.
«Калі ён гэтага не зробіць, зробім мы, — сказаў Зяленскі, патрабуючы адключыць рэтранслятары на тэрыторыі Беларусі для навядзення расійскіх дронаў. — Так сама, як, напрыклад, мы дзейнічаем у дачыненні да яго нафтаперапрацоўчай прамысловасці. Мы робім усё, каб у расіян не было магчымасці прадаваць нафту і забяспечваць сваю армію дызельным палівам і нафтапрадуктамі. Бо ўсё гэта выкарыстоўваецца супраць нас.
Ён сёння — галоўны пастаўшчык, адзін з галоўных пастаўшчыкоў для расійскай арміі. Менавіта Лукашэнка. Менавіта Беларусь. Ці можна гэта спыніць? Я ўпэўнены, што гэта ў яго сілах, і менавіта гэта ён кантралюе», — заявіў Зяленскі 19 чэрвеня.
Ён таксама даў Аляксандру Лукашэнку тыдзень, каб адключыць абсталяванне на тэрыторыі Беларусі, якое выкарыстоўваецца для навядзення расійскіх дронаў для ўдараў па Украіне.