Завочны суд над пяццю каліноўцамі пачнецца ў канцы студзеня

Рэдакцыя Reform.news · 8 студзеня 2026, 10:11

https://reform.news/be/zavochny-sud-nad-pjaccju-kalino-cami-pachnecca-kancy-studzenja/

Завочны суд па справе пяці байцоў Палка Каліноўскага пачнецца ў Мінгарсудзе 28 студзеня. Пра гэта паведамляе праваабарончы цэнтр «Вясна».

У кастрычніку Следчы камітэт пачаў спецыяльную вытворчасць у дачыненні да Аляксея Кавальчука, Аляксея Назарава, Дзяніса Прохарава, Паўла Шурмея, а таксама прадстаўніка АПК па абароне Вадзіма Кабанчука.

Іх абвінавачваюць паводле артыкулаў аб стварэнні злачыннай арганізацыі, акце тэрарызму, садзейнічанні тэрарыстычнай дзейнасці, стварэнні і кіраўніцтве тэрарыстычнай арганізацыяй, удзеле ў тэрарыстычнай арганізацыі, наўмысным прывядзенні ў непрыдатнасць шляхоў зносін, здрадзе дзяржаве, закліках да мер, што наносяць шкоду нацыянальнай бяспецы, стварэнні экстрэмісцкага фарміравання, удзеле ва ўзброеным фарміраванні на тэрыторыі замежнай дзяржавы, садзейнічанні экстрэмісцкай дзейнасці.