Вызваленыя палітвязні прыедуць у Варшаву сёння — каманда Бабарыкі

Рэдакцыя Reform.news · 17 снежня 2025, 13:09

https://reform.news/be/vyzvalenyja-palitvjazni-pryeduc-u-varshavu-sjonnja-kamanda-babaryki/

Палітвязні, вызваленыя і вывезеныя з Беларусі ва Украіну, павінны прыбыць у Польшчу сёння ўвечары.

«Паводле нашай інфармацыі, беларускія палітвязні ўжо ў дарозе ў Польшчу. Увечары чакаецца прыбыццё ў Варшаву», — распавёў Reform.news Іван Краўцоў.

Нагадаем, 13 снежня былі вызваленыя 123 палітвязні. З іх 114 чалавек, у тым ліку Віктара Бабарыку, вывезлі ва Украіну. Раней Германія заявіла, што прадаставіць прытулак Бабарыку і Марыі Калеснікавай.