Візавыя цэнтры Польшчы запусцілі мабільнае прыкладанне для запісу на падачу дакументаў

Рэдакцыя Reform.news · 6 мая 2026, 20:19

https://reform.news/be/vizavyja-cjentry-polshchy-zapuscili-mabilnae-prykladanne-dlja-zapisu-na-padachu-dakumenta/

З мая 2026 года візавыя цэнтры Польшчы запусцілі мабільнае прыкладанне для запісу на падачу дакументаў, паведамляе VFS Global. Прыкладанне даступнае для спампоўвання ў App Store і Google Play для прылад на iOS і Android і прадстаўлена ў трох моўных версіях.

Працэс запісу праз прыкладанне цалкам адпавядае таму, што даступны на афіцыйным сайце VFS. Дадаткова прыкладанне дазваляе ўводзіць пашпартныя даныя шляхам сканавання фатаграфіі пашпарта або счытвання даных з чыпа біяметрычнага пашпарта праз NFC на сумяшчальных прыладах.