Фото: Госпогранслужба Украины
Ва Украіне знайшлі метэазонд з беларускімі цыгарэтамі. Пра гэта паведаміла Заходняе рэгіянальнае ўпраўленне Дзяржаўнай памежнай службы краіны.
Памежнікі выявілі ўпакоўку з тытунёвымі вырабамі ў раёне Шацка, паблізу ад мяжы. У публікацыі ўкраінскай службы выказваецца здагадка, што кантрабандысты збіраліся пераправіць цыгарэты ў краіны ЕС.
Была знойдзена ўпакоўка з 1500 пачкамі цыгарэт «Мінск», два GPS-маячкі з SIM-картамі беларускіх і польскіх аператараў, а таксама абрыўкі паветранага шара.