Савет Міністраў пастановай №782 ад 29 снежня змяніў тарыфы на паслугі нацыянальнага аператара па забеспячэнні адсочвання перавозак з дапамогай навігацыйных пломбаў. Дакумент сёння апублікаваны на Нацыянальным прававым інтэрнэт-партале і ўступае ў сілу з 1 студзеня.
Новыя тарыфы складаюць:
- для пачатку перавозкі аб’екта адсочвання і яго адсочвання (паслугі па накладанні навігацыйных пломбаў, прадастаўленні інфармацыі, забеспячэнні адсочвання перавозкі і забеспячэнні аб’екта адсочвання неабходнай колькасцю навігацыйных пломбаў) — у памеры 12 базавых велічынь, уключаючы ПДВ (раней 10 БВ);
- для прасочвання перавозкі аб’екта адсочвання праз тэрыторыю Рэспублікі Беларусь (паслугі па прадастаўленні інфармацыі і забеспячэнні аб’екта адсочвання неабходнай колькасцю навігацыйных пломбаў) — у памеры 4 базавых велічынь, уключаючы ПДВ (раней 3 БВ);
- для завяршэння адсочвання перавозкі аб’екта адсочвання (паслугі па прадастаўленні інфармацыі, забеспячэнні аб’ектаў адсочвання неабходнай колькасцю навігацыйных пломбаў і зняцці навігацыйных пломбаў) — у памеры 8 базавых велічынь, уключаючы ПДВ (раней 6 БВ).
🔥
Падтрымайце Reform.news данатам!