Урад Беларусі абнавіў Правілы бытавога абслугоўвання

Савет міністраў зацвердзіў абноўленыя Правілы бытавога абслугоўвання. Адпаведная пастанова падпісана сёння.

Як адзначылі ў прэс-службе ўрада, новыя правілы распрацаваны на аснове прапаноў прадпрымальнікаў, асацыяцый, Савета па развіцці прадпрымальніцтва.

“Пастанова накіравана на абарону правоў спажыўцоў, здымае праблемныя пытанні арганізацыі бытавых паслуг, у тым ліку аказання паслуг па пракаце, арэндзе і рамонце механічных транспартных сродкаў, спа-паслуг і іншых”, — гаворыцца ў паведамленні.

У новай рэдакцыі скарэктаваны некаторыя паняцці, у прыватнасці, «прыёмны пункт», «дробны рамонт адзення», выключэнне тэрмінаў «работнік выканаўцы» і «спа-меню», увядзенне тэрмінаў «матэрыялы», «спа-тэхналогія», «выканаўца бытавых паслуг», «комплексны прыёмны пункт па прыёме заказаў на аказанне бытавых паслуг», «недабраякасныя матэрыялы», «непрыдатныя матэрыялы (вырабы)».

Удакладняюцца спосабы аплаты, парадак прыёмкі тавараў і гарантыйныя тэрміны.

Зніжка з тарыфу на бытавыя паслугі прадастаўляецца пры ўмове яе поўнай аплаты пры афармленні заказу.

У выпадку бясплатнага ўстаранення недахопаў аказанай паслугі, падаўжаецца гарантыйны тэрмін на такую паслугу на перыяд, на працягу якога ўстараняліся выяўленыя недахопы

Пры ўхіленні спажыўца ад прыёмкі вырабу або неабходнасці забраць заказ спажывец інфармуецца, у тым ліку паштовым паведамленнем.

Урэгуляваны парадак аказання бытавых паслуг па пракаце і арэндзе механічных транспартных сродкаў:

• памер няўстойкі за кожны дзень пратэрміноўкі за несвоечасовае вяртанне прадмета пракату або неўнясенне ў тэрмін чарговага плацяжу складае адзін працэнт ад арэнднай платы па дамове пракату і можа быць зменшаны пры ўмове, калі гэта вызначана дамовай;
• пры аказанні паслугі па тэхабслугоўванні і рамонце механічных транспартных сродкаў выканаўца абавязаны ўказваць у дакуменце, які пацвярджае факт аказання бытавой паслугі, выкарыстаныя матэрыялы і іх кошт, а таксама канчатковы кошт работ (паслуг) з іх выкарыстаннем.

Аптымізавана інфармацыя, абавязковая для размяшчэння ў сельскім комплексным прыёмным пункце па прыёме заказаў на аказанне бытавых паслуг.