Урад абмяркоўвае стварэнне холдынга сельскагаспадарчага машынабудавання

11 мая прэм’ер-міністр Беларусі Аляксандр Турчын правёў нараду па пытанні стварэння холдынга сельскагаспадарчага машынабудавання на базе вядучых прадпрыемстваў галіны.

У склад холдынга плануецца ўключыць вядучыя прадпрыемствы сельгасмашынабудавання: ААТ «Кіраўнічая кампанія холдынга «Лідсельмаш», «Кіраўнічая кампанія холдынга «Бабруйскаграмаш», «Кіраўнічая кампанія холдынга «Мінскі маторны завод» (у складзе якіх знаходзяцца 22 арганізацыі і 1 філіял).

«Стварэнне холдынга дазволіць аб’яднаць усіх вытворцаў пад адным брэндам, у перспектыве павысіць пазнавальнасць тэхнікі на экспартных рынках, а таксама, улічваючы магчымасці канструктарскіх службаў прадпрыемстваў, выпускаць асобныя віды складанай высокапрадукцыйнай тэхнікі», — заяўляе прэс-служба ўрада.

Задачамі холдынга, які ствараецца, у кароткатэрміновай перспектыве названыя:

• аператыўнасць і гнуткасць скаардынаванага рэагавання прадпрыемстваў на бягучыя і сярэднетэрміновыя выклікі рынкаў,
• развіццё ўласнай адзінай сеткі продажаў і даступнасць прадукту для спажыўцоў,
• захаванне і развіццё адзінай вытворчай праграмы,
• фарміраванне адзінага балансу.

Урад разлічвае, што стварэнне холдынга забяспечыць рост прыбытку.