Украіна паразіла два танкеры «ценявога флоту» Расіі

Рэдакцыя Reform.news · 3 мая 2026, 11:24

https://reform.news/be/ukraina-parazila-dva-tankery-cenjavoga-flotu-rasii/

Украінскія вайскоўцы паразілі два танкеры расійскага ценявога нафтавага флоту ў акваторыі каля ўваходу ў порт Наварасійск. Пра гэта паведаміў прэзідэнт Украіны Уладзімір Зяленскі. Паводле яго слоў, абодва судны актыўна выкарыстоўваліся для перавозкі нафты ў абыход санкцый.

Зяленскі падзякаваў начальніку Генеральнага штаба Андрэю Гнатаву за кіраўніцтва аперацыяй, контрразведчыкам Службы бяспекі Украіны і Ваенна-марскім сілам Украіны.

«Украінская далёкабойнасць будзе ўсебакова развівацца — на моры, у небе і на зямлі», — запэўніў ён.