Вароты насмерць прыціснулі работніка ў Наваполацку

Рэдакцыя Reform.news · 6 лістапада 2026, 15:07

https://reform.news/be/varoty-nasmerc-prycisnuli-rabotnika-navapolacku/

У Наваполацку падчас рамонту варот загінуў 38-гадовы фармоўшчык, паведамляе Следчы камітэт.

5 лістапада мужчына знаходзіўся на тэрыторыі прадпрыемства. Пасля завяршэння асноўнай працы ён вырашыў адрамантаваць металічныя вароты цэха, якія доўга не выкарыстоўваліся.

Падчас рамонту вароты перакуліліся і прыціснулі мужчыну. Ён памёр.

На месцы здарэння працавала следча-аператыўная група. Прызначана судова-медыцынская экспертыза, канфіскавана дакументацыя па ахове працы і тэхніцы бяспекі.