У Зяленскага пракаментавалі артыкул FT аб выбарах ва Украіне

Рэдакцыя Reform.news · 11 лютага 2026, 10:31

https://reform.news/be/u-zjalenskaga-prakamentavali-artykul-ft-ab-vybarah-va-ukraine/

“РБК-Украина” апублікавала ананімны каментар крыніцы ў Офісе прэзідэнта Украіны адносна артыкула Financial Times, у якім гаварылася, што прэзідэнцкія выбары і рэферэндум пад ціскам ЗША могуць адбыцца да 15 мая, а прэзідэнт краіны Уладзімір Зяленскі можа абвясціць пра іх 24 лютага.

“Пакуль няма бяспекі, не будзе і абвяшчэнняў”, – сказаў суразмоўца выдання.

Разам з тым ва Украіне сапраўды створана рабочая група, якая займаецца механізмам галасавання ва ўмовах вайны або пасля яе завяршэння. Мяркуецца распрацаваць і прыняць спецыяльны закон, які будзе аднаразовым.