У Польшчы затрымалі другога падазраванага ў забойстве расійскага мастака Скрапецкага

Рэдакцыя Reform.news · 22 кастрычніка 2026, 17:31

https://reform.news/be/u-polshchy-zatrymali-drugoga-padazravanaga-zabojstve-rasijskaga-mastaka-skrapeckaga/

Супрацоўнікі Агенцтва ўнутранай бяспекі Польшчы (ABW) затрымалі другога падазраванага па справе аб забойстве расійскага карыкатурыста Сямёна Скрапецкага (Роберта Кузаўкова). Затрыманы — грамадзянін Грузіі.

Нагадаем, Скрапецкага застрэлілі на вуліцы ў Бяла-Подлясцы 15 чэрвеня 2026 года. Праз тры дні, 18 чэрвеня, быў затрыманы першы падазраваны — грамадзянін Грузіі Эльнур А. Яму выставілі абвінавачанне ў забойстве і змясцілі яго пад варту.

Другога падазраванага — 22-гадовага Махмуда А. — затрымалі 19 кастрычніка на паркоўцы каля трасы А2. Ён падарожнічаў разам з двума іншымі грамадзянамі Грузіі. За дзень да гэтага Махмуд А. прыляцеў у Польшчу з Грузіі.

Звесткі пра датычнасць Махмуда А. да забойства Скрапецкага пацверджаныя, заяўляе ABW.

Маладому чалавеку выстаўленыя абвінавачанні ў дапамаганні ў забойстве, а таксама ў незаконным захоўванні агнястрэльнай зброі і боепрыпасаў. Ён не прызнаў віну. Суд змясціў Махмуда А. пад варту на тры месяцы.

Двое грамадзян Грузіі, затрыманыя разам з Махмудам А., перададзеныя памежнікам для выдварэння з краіны з забаронай на ўезд у Польшчу на 10 гадоў.