У Лукашэнкі анансавалі яго візіт у Маскву

Рэдакцыя Reform.news · 24 лютага 2026, 15:12

https://reform.news/be/u-lukashjenki-anansavali-jago-vizit-u-maskvu/

Прэс-служба Аляксандра Лукашэнкі апублікавала анонс яго візіту ў Маскву. 26 лютага ў сталіцы РФ адбудзецца пасяджэнне Вышэйшага дзяржсавета Саюзнай дзяржавы.

У паведамленні гаворыцца, што на пасяджэнне вынесены Асноўныя напрамкі рэалізацыі палажэнняў Дагавора аб стварэнні Саюзнай дзяржавы на 2024-2026 гады, а таксама будзе абмяркоўвацца распрацоўка праекта аналагічнага дакумента на 2027-2029 гады.

Сярод іншых пунктаў парадку дня:

• арганізацыя трансгранічных прыгарадных пасажырскіх зносінаў;
• стварэнне Камітэта па стандартызацыі і якасці Саюзнай дзяржавы;
• узаемная падтрымка ў супрацоўніцтве ў галіне міжнароднага правасуддзя;
• прысуджэнне прэмій Саюзнай дзяржавы ў галіне літаратуры і мастацтва за 2025-2026 гады.