Фото: правительство Литвы
Ва Уценскім раёне Літвы сёння была абвешчаная паветраная трывога чырвонага ўзроўню ў сувязі з выяўленнем беспілотных аб’ектаў у паветранай прасторы краіны, піша LRT. Пазней узровень быў зніжаны з чырвонага да жоўтага.
«Гэта азначае, што небяспека магчымая, людзям варта схавацца, але цяпер у іх знаходзіцца не абавязкова», — гаворыцца ў заяве Нацыянальнага цэнтра кіравання крызісамі.
Каля 17:50 трывога была адмененая.
Прэзідэнт Літвы Гітанас Наўседа паведамляў, што паветраную прастору краіны меркавана парушылі два дроны. У паветра былі паднятыя знішчальнікі НАТА.
Жыхары Уценскага раёна атрымалі экстраныя паведамленні на тэлефоны і былі закліканыя неадкладна схавацца ў сховішчах або бяспечных памяшканнях. Прыпыняўся рух некалькіх цягнікоў — закранутыя маршруты Вільня — Тракай, Вільня — Турмантас і Ігналіна — Вільня, пацярпелі каля 180 пасажыраў. Гандлёвая сетка Maxima часова прыпыніла працу 18 крам у некалькіх раёнах.
Прэм’ер-міністр Інга Ругінене паведаміла, што падазроны аб’ект рухаецца з поўначы ад Пабрадзе.
Нагадаем, раніцай 20 мая ў некаторых раёнах Літвы абвяшчалася паветраная трывога з-за меркаванага дрона, заўважанага ў Беларусі каля літоўскай мяжы. Віленскі аэрапорт прыпыняў працу. Паветраная трывога таксама абвяшчалася ў Латвіі.