Сілавікі прыйшлі з ператрусам у мінскую кватэру даследчыка сталінскіх рэпрэсій Ігара Станкевіча. Пра ператрус ён даведаўся ад былой жонкі, з якой знаходзіцца ў разводзе ўжо 18 гадоў, паведамляе праваабарончы цэнтр «Вясна».
З тэлефона былой жонкі Станкевічу патэлефанаваў невядомы. Ён не прадставіўся і заявіў, што Станкевіч нібыта «вярбуе сабе людзей, каб атрымліваць пад гэта гранты».
Станкевіч жыве ў эміграцыі. Паводле яго слоў, сваякі зазнаюць ціск з боку сілавікоў. У некаторых бралі ўзоры ДНК, у некаторых перыядычна праводзяць ператрусы і пытаюцца, дзе і чым займаецца даследчык.
🔥 Падтрымайце Reform.news данатам!
