Фото: unsplash.com
У Гомелі 105 прыватных дамоў засталіся без вады з-за аварыі на вадаправодзе ў раёне вуліц Свірыдава і Ягаўкіна.
Гарадскія ўлады абяцаюць ліквідаваць наступствы аварыі да 17:00. На месцы працуе аварыйная брыгада і спецыяльная тэхніка, паведамляе старшыня Гомельскага гарвыканкама Уладзімір Прывалаў.
Нагадаем, учора ў Гомелі прарвала трубу на вуліцы Хатаевіча.