У Чарнобыльскай зоне адчужэння гарыць больш за тысячу гектараў лесу

Рэдакцыя Reform.news · 8 мая 2026, 10:20

https://reform.news/be/u-charnobylskaj-zone-adchuzhjennja-garyc-bolsh-za-tysjachu-gektara-lesu/

У зоне адчужэння працягваецца ліквідацыя маштабнага ляснога пажару, паведамляе Дзяржаўная служба Украіны па надзвычайных сітуацыях. З-за моцных парываў ветру агонь імкліва распаўсюджваецца, ахопліваючы новыя кварталы ляснога масіву.

Арыенціровачная плошча пажару ўжо перавысіла 1100 гектараў. Сітуацыю ўскладняюць сухое надвор’е, моцны вецер і мінная небяспека на асобных участках тэрыторыі, паколькі ў частцы лясных кварталаў работы часова не вядуцца з-за пагрозы выбухованебяспечных прадметаў.

Да ліквідацыі пажару прыцягнутыя падраздзяленні ДСНС, спецыяльная тэхніка і сілы іншых службаў. Ратавальнікі працуюць ва ўзмоцненым рэжыме, лакалізуючы ачагі ўзгарання і не дапушчаючы далейшага распаўсюджвання агню.