У Беларусі плануюць палепшыць мабільную сувязь і інтэрнэт уздоўж чыгунак

Рэдакцыя Reform.news · 5 лістапада 2026, 19:34

https://reform.news/be/u-belarusi-planujuc-palepshyc-mabilnuju-suvjaz-i-intjernjet-uzdo-zh-chygunak/

У 2029 годзе сетку стандарту сувязі 4G/LTE плануюць цалкам разгарнуць на чыгуначных участках Орша – Мінск – Брэст, Гудагай – Мінск – Гомель, Езярышча – Орша – Жлобін, якія ўваходзяць у сістэму транспартных калідораў.

Пытанні развіцця інфраструктуры мабільных аператараў уздоўж чыгунак абмеркавалі 4 лістапада на нарадзе ва Упраўленні БЧ. У ёй удзельнічалі прадстаўнікі Міністэрства сувязі і інфарматызацыі, чыгункі і кампаній мабільнай сувязі.

Па выніках сустрэчы бакі дамовіліся дэталёва абследаваць месцы для ўстаноўкі дадатковых базавых станцый. Пры іх размяшчэнні плануецца выкарыстоўваць інфраструктуру чыгункі, паведамілі ў БЧ.