Фото: Reform.by
Турэцкая авіякампанія Turkish Airlines збіраецца вярнуцца ў Мінск. У сістэме браніравання кампаніі сталі даступныя білеты са Стамбула ў Мінск, пачынаючы з 20 верасня.
Самалёт павінен вылецець у 21:05 са Стамбула, а прызямліцца ў Мінску ў 0:45. Час палёту заяўлены ў 3 гадзіны 40 хвілін.
Афіцыйна кампанія пра палёты ў беларускую сталіцу пакуль не паведамляла. Трэба адзначыць, што палёт “Белавія” па такім жа маршруце працягваецца 5 гадзін 30 хвілін.
Turkish Airlines прыпыніла палёты ў Беларусь у лютым 2022 года.