Турчын заявіў пра станоўчыя тэндэнцыі ў экспарце тавараў

Рэдакцыя Reform.news · 27 мая 2026, 10:34

https://reform.news/be/turchyn-zajavi-pra-stano-chyja-tjendjencyi-jeksparce-tavara/

У экспарце беларускіх тавараў захоўваюцца станоўчыя тэндэнцыі. Пра гэта заявіў прэм’ер-міністр Аляксандр Турчын на рабочай нарадзе, прысвечанай вынікам знешняга гандлю ў першым квартале.

«Папярэднія вынікі працы за чатыры месяцы ў нас ёсць. Яны паказваюць, што тыя станоўчыя тэндэнцыі, якія ў нас былі па выніках першага квартала, і далей замацоўваюцца. Мы павялічваем нашы тэмпы росту экспарту. Але разам з тым за гэтымі агульнымі лічбамі нам важна бачыць дэталі», — адзначыў прэм’ер-міністр.

Нагадаем, у студзені—сакавіку дэфіцыт знешняга гандлю таварамі скараціўся. У першым квартале беларускі экспарт вырас на 20,3% да 11 млрд долараў, імпарт пры гэтым павялічыўся на 14,6% да 12,42 млрд долараў. Дэфіцыт знешняга гандлю склаў 1,4 млрд долараў, што на 16,4% менш, чым за аналагічны перыяд мінулага года.

Папярэднія даныя пра знешні гандаль па выніках студзеня—красавіка Белстат павінен апублікаваць напрыканцы гэтага тыдня.