Фото: пресс-служба правительства
Прэм’ер-міністр Беларусі Аляксандр Турчын на калегіі Міністэрства працы і сацыяльнай абароны запатрабаваў ад ведамства рэгуляваць узровень заробкаў.
«Рост заробкаў павінен залежаць ад эфектыўнасці працы, а не ад знешніх фактараў!» – цытуе яго прэс-служба ўрада.
Трэба адзначыць, што падчас нядаўняй справаздачы ўрада Аляксандр Лукашэнка ўжо ўказваў на тое, што тэмпы росту заробкаў у краіне апярэджваюць рост прадукцыйнасці працы.
Турчын сёння таксама запатрабаваў сфарміраваць выразную стратэгію кіравання працоўнымі рэсурсамі. Яна павінна ўключаць:
«У цяперашніх дэмаграфічных умовах на першы план вылучаецца неабходнасць забяспечыць эфектыўнае выкарыстанне наяўных працоўных рэсурсаў. Сумесна з Міністэрствам адукацыі трэба прымаць меры рэгулюючага і стымулюючага характару па забеспячэнні хуткага ўцягвання ў працоўную дзейнасць выпускнікоў ВНУ і ССНУ», – падкрэсліў прэм’ер.
Мінпрацы таксама павінна аптымізаваць кваліфікацыйныя патрабаванні і заняцца нармаваннем працы.
«Перш за ўсё іх актуалізацыя ва ўмовах зменлівага рынку працы. Неабходна прывесці кваліфікацыйныя характарыстыкі пасад служачых і прафесій рабочых у адпаведнасць з рэальнымі запытамі эканомікі», – сказаў ён.
Прэм’ер патрабуе ад міністэрства ўздзейнічаць на ментальныя ўстаноўкі моладзі ў рамках рэалізацыі праграмы «Развіццё дэмаграфічнага патэнцыялу» на 2026-2030 гады
«Самае важнае на бягучы момант – вызначыць тыя пункты, якія мы сапраўды можам адрэгуляваць, каб стымуляваць нараджальнасць, уздзейнічаць на ментальныя ўстаноўкі і мадэлі паводзін моладзі», – сказаў ён.
Ён акцэнтаваў увагу на тэме бюракратычных працэдур, з якімі даводзіцца сутыкацца людзям, што маюць патрэбу ў атрыманні сацыяльных паслуг. На яго думку, патрабуецца паскоранымі тэмпамі алічбаваць сістэму дзяржаўных дапамог і пенсій.
«Перавагі для грамадзян, дзяржаўных структур і бізнесу каласальныя. Людзям не трэба збіраць кіпу папер і хадзіць па кабінетах, сістэма сама ўбачыць, напрыклад, факт нараджэння дзіцяці і ініцыюе выплаты дапамог. Гэта выключыць папяровую валакіту і зэканоміць мільёны чалавека-гадзін. Укараняючы лічбавізацыю, мы вызваляем велізарны рэсурс часу, зніжаем выдаткі ў маштабах краіны, ствараем зручнасці для нашых грамадзян», – сказаў ён.