Трохбаковыя перамовы ў Абу-Дабі прайшлі «пазітыўна» і «канструктыўна» — Axios

Трохбаковыя перамовы паміж ЗША, Расіяй і Украінай у Абу-Дабі былі «пазітыўнымі» і «канструктыўнымі». Пра гэта са спасылкай на ўкраінскія афіцыйныя крыніцы паведаміў у X журналіст Axios Барак Равід.

Паводле яго слоў, наступны раўнд перамоваў адбудзецца ў Абу-Дабі на наступным тыдні.

ТАСС са спасылкай на крыніцу піша, што ў сустрэчы па Украіне ў Абу-Дабі ёсць вынікі.

«Так нельга сказаць, яны ёсць», — сказаў суразмоўца агенцтва, адказваючы на адпаведнае пытанне.

Як заявіла Дыяна Давіцян, прэс-сакратарка кіраўніка ўкраінскага боку Рустэма Умерава, перамовы паміж Украінай, Злучанымі Штатамі і Расіяй у Абу-Дабі завяршыліся, піша “РБК Украіна”.