Трамп забараніў імпарт шэрагу тавараў з Канады

Рэдакцыя Reform.news · 9 верасня 2026, 08:39

https://reform.news/be/tramp-zabarani-impart-shjeragu-tavara-z-kanady/

Гандлёвы канфлікт паміж ЗША і Канадай працягвае абвастрацца. У аўторак пачалі дзейнічаць канадскія пошліны на амерыканскія тавары. Прэзідэнт ЗША Дональд Трамп адказаў забаронай на пастаўкі шэрагу пазіцый з Канады.

Забарона набудзе моц з 29 верасня. Яна закране матацыклы, уключаючы мапеды, з аб’ёмам рухавіка больш за 800 куб. см, піва, сідр, віны, моцныя алкагольныя напоі, трысняговую і іншыя віды патакі, а таксама малочную сыравіну.

Таксама ЗША з 15 верасня ўводзяць дадатковыя пошліны ў 50% на сыры, сталь, алюміній, паперу, мэблю, свяцільні і іншае.

Яшчэ адзін крок – выключэнне канадскіх тавараў з сістэмы дзяржаўных закупак у ЗША.

Канадскія пошліны распаўсюджваюцца на 629 найменняў, уключаючы бытавую тэхніку, электроніку, металы, адзенне. Памер пошлін складае ад 25% да 50% з рэдкімі выключэннямі ў 15%. Яны закранаюць амерыканскія пастаўкі ў краіну на 20 млрд долараў.