Official White House Photo by Daniel Torok
Прэзідэнт ЗША Дональд Трамп адмяніў дадатковыя мыты на тавары з Індыі ў памеры 25%. Яны былі ўведзеныя ім з-за закупак Індыяй расійскай нафты.
Ва ўказе Трампа гаворыцца, што Індыя абавязалася спыніць прамы або ўскосны імпарт нафты з РФ, заявіла пра намер закупляць энерганосьбіты ў ЗША і заключыла рамкавае пагадненне аб пашырэнні супрацоўніцтва ў сферы абароны на наступныя 10 гадоў. У ім таксама адзначаецца, што Індыя зрабіла значныя крокі для дастатковага ўзгаднення сваіх дзеянняў са Злучанымі Штатамі па пытаннях нацыянальнай бяспекі, знешняй палітыкі і эканомікі. Таму прынята рашэнне адмяніць 25-працэнтныя мыты.
Разам з тым Трамп даручыў Міністэрству гандлю ў каардынацыі з дзяржаўным сакратаром і Міністэрствам фінансаў адсочваць, ці аднаўляе Індыя прамы і ўскосны імпарт нафты з Расіі. Калі гэта будзе ўстаноўлена, павінна быць падрыхтавана рэкамендацыя для прэзідэнта, ці варта зноў увесці 25-працэнтную стаўку мыта на імпарт з Індыі.