Сырскі: у лютым УСУ аднавілі кантроль над большай тэрыторыяй, чым захапіла Расія

Рэдакцыя Reform.news · 2 сакавіка 2026, 17:32

https://reform.news/be/syrski-u-ljutym-usu-adnavili-kantrol-nad-bolshaj-tjerytoryjaj-chym-zahapila-rasija/

За люты Узброеныя сілы Украіны аднавілі кантроль над большай тэрыторыяй, чым захапіла Расія. Гэта адбылося ўпершыню з часу Курскай наступальнай аперацыі, заявіў галоўнакамандуючы УСУ Аляксандр Сырскі.

«У лютым 2026 года, упершыню з часу Курскай наступальнай аперацыі, Сілы абароны Украіны аднавілі кантроль над большай тэрыторыяй, чым змог захапіць праціўнік. Мы праводзім выніковыя актыўныя дзеянні на Аляксандраўскім і Гуляйпольскім напрамках. Насуперак шматразовым заявам расійскага кіраўніцтва, мы толькі ўзмацняем кантроль над Купянскам і скарачаем у горадзе «пагалоўе» варожых дыверсантаў. Мы працягваем стрымліваць ворага ў раёне Пакроўска-Мірнаградскай агламерацыі», — заявіў Сырскі ў Facebook.

Таксама, паводле слоў Сырскага, за тры месяцы УСУ ліквідавалі больш расійскіх салдат, чым было прыцягнута ў расійскую армію.

Паводле даных УСУ, за тры зімовыя месяцы Расія страціла каля 92 850 вайскоўцаў забітымі і параненымі.