Супрацоўнікі КДБ прыязджалі да былых палітвязняў — праваабаронцы

Рэдакцыя Reform.news · 24 чэрвеня 2026, 10:15

https://reform.news/be/supraco-niki-kdb-pryjazdzhali-da-bylyh-palitvjaznja-pravaabaroncy/

Супрацоўнікі КДБ праводзілі гутаркі з былымі палітвязнямі ў адным з невялікіх гарадоў Беларусі. Пра гэта стала вядома праваабарончаму цэнтру “Вясна”.

Паводле яго інфармацыі, у горад прыехалі супрацоўнікі камітэта. Яны выклікалі на гутарку людзей, якія былі асуджаныя паводле “экстрэмісцкіх” артыкулаў, у тым ліку былых палітвязняў.

У іх цікавіліся сувязямі з тымі, хто знаходзіцца за мяжой, а таксама тым, ці не плануюць яны з’язджаць з краіны. Акрамя таго, у былых палітвязняў прасілі тэлефоны і падключалі іх да нейкай прылады.