Сярэдні заробак бюджэтнікаў вырас у сакавіку на 44 рублі

Сярэдні намінальны налічаны заробак бюджэтнікаў Беларусі ў сакавіку склаў 2290,8 рубля да выплаты падаткаў. Ён вырас у параўнанні з лютым на 2%, або на 44 рублі.

Рэальны сярэдні заробак у студзені-сакавіку ў бюджэтным сектары павялічыўся на 10%. Такія даныя апублікаваў Белстат.

У сакавіку суадносіны заробку ў бюджэтных арганізацыях і сярэдняга па краіне склалі 77%.

Сакавіцкі сярэдні заробак у бюджэтнікаў склаў:

• у дзяржаўным кіраванні – 3836,4 рубля (+92,2 рубля да папярэдняга месяца),
• у настаўнікаў – 2776,5 рубля (+14,1 рубля),
• у выхавальнікаў дашкольнай адукацыі – 1909 рублёў (+37,6 рубля),
• у прафесарска-выкладчыцкага складу – 3286,5 рубля (+ 54 рублі),
• ва ўрачоў – 4331,6 рубля (+140,7 рубля),
• у сярэдняга медыцынскага персаналу – 2307,4 рубля (+60,7 рубля).