Сейм Латвіі ў першым чытанні ўхваліў забарону на валоданне зброяй для беларусаў

Рэдакцыя Reform.news · 30 красавіка 2026, 16:26

https://reform.news/be/sejm-latvii-pershym-chytanni-hvali-zabaronu-na-valodanne-zbrojaj-dlja-belarusa/

Сейм Латвіі ў першым чытанні ўхваліў папраўкі да закона, які прадугледжвае забарону на валоданне агнястрэльнай зброяй грамадзянамі Беларусі і Расіі, паведамляе LSM.

Папраўку ў першым чытанні падтрымалі 70 дэпутатаў. Супраць прагаласавалі чатыры. Законапраект павінен прайсці яшчэ два чытанні для ўступлення ў сілу.

Папраўкі былі распрацаваны апазіцыйнай партыяй «Нацыянальнае аб’яднанне». Аўтары законапраекта лічаць, што новыя нормы ўзмоцняць нацыянальную і грамадскую бяспеку.