Изображение: coe.int
Кангрэс мясцовых і рэгіянальных улад Савета Еўропы абвясціў набор удзельнікаў на трэці воркшоп «Leaders for Change: promoting democracy and human rights at local level» («Лідары перамен: прасоўванне дэмакратыі і правоў чалавека на мясцовым узроўні»). Мерапрыемства пройдзе 7–9 ліпеня 2026 года ў Страсбургу.
Праграма прызначана для прадстаўнікоў беларускіх дэмакратычных сіл, грамадзянскай супольнасці, актывістаў, будучых мясцовых лідараў і ўсіх, хто працуе з тэмамі дэмакратыі і правоў чалавека на мясцовым узроўні. Удзельнікі змогуць абмяняцца досведам з членамі Кангрэса Савета Еўропы і экспертамі, а таксама атрымаць практычныя інструменты для развіцця мясцовай дэмакратыі ў адпаведнасці з прынцыпамі Еўрапейскай хартыі мясцовага самакіравання.
Кангрэс пакрывае выдаткі ўдзельнікаў на праезд і пражыванне. Пераклад будзе забяспечаны на англійскай і беларускай мовах.
Заяўкі прымаюцца да 21 чэрвеня 2026 года па спасылцы.