Савет міністраў Беларусі пастановай №435 ад 31 жніўня скарэктаваў аб’ёмы дзяржаўнага заказу на пастаўкі гародніны і яблыкаў у стабілізацыйныя фонды на міжсезонны перыяд 2026/27 гадоў. Сёння дакумент апублікаваны на Нацыянальным прававым інтэрнэт-партале.
Напярэдадні прэс-служба ўрада паведаміла, што ў дзяржзаказ дададзены таматы і агуркі.
У выніку агульны аб’ём нарыхтоўкі вырас на 18,35 тыс. т і дасягнуў 165,5 тыс. т
Паводле новай пастановы мяркуецца нарыхтаваць:
- бульбы 59,62 тыс. т (-0,7 тыс. т у параўнанні з красавіцкай пастановай), у тым ліку 42,4 тыс. т (+0,65 тыс. т) для гандлёвых сетак,
- белакачаннай капусты — 22,58 тыс. т (+0,22 тыс. т), у тым ліку 18,08 тыс. т (+0,4 тыс. т) для гандлёвых сетак,
- буракоў — 9,98 тыс. т (+0,28 тыс. т), у тым ліку 7,05 тыс. т (+0,29 тыс. т) для гандлёвых сетак,
- морквы — 15,61 тыс. т (+0,18 тыс. т), у тым ліку 12,49 тыс. т (+0,21 тыс. т) для гандлёвых сетак,
- цыбулі — 15,18 тыс. т (+0,22 тыс. т), у тым ліку 13,26 тыс. т (+0,24 тыс. т) для гандлёвых сетак,
- яблыкаў — 26,96 тыс. т (+1,96 тыс. т), у тым ліку 22,2 тыс. т (+2,2 тыс. т) для гандлёвых сетак,
- агуркоў – 9,53 тыс. т,
- таматаў – 6,05 тыс. т.
🔥 Падтрымайце Reform.news данатам!