Расійскія СМІ паведамілі аб крымінальнай справе супраць Дурава

Рэдакцыя Reform.news · 24 лютага 2026, 08:16

https://reform.news/be/rasijskija-smi-pavedamili-ab-kryminalnaj-sprave-suprac-durava/

У Расіі расследуецца крымінальная справа ў дачыненні да заснавальніка месенджара Telegram Паўла Дурава. Пра гэта паведамілі “Расійская газета” і “Комсомольская правда”. Расследаванне вядзецца па ч.1.1 арт. 205.1 КК РФ (садзейнічанне тэрарыстычнай дзейнасці).

У публікацыях гаворыцца, што мэсенджар з 2022 года фігураваў у 153 тыс. злачынстваў, з іх 33 тысячы — дыверсійна-тэрарыстычнай і экстрэмісцкай накіраванасці. “Расійская газета” піша, што Telegram “стаў галоўным інструментам спецслужбаў краін НАТА” і Украіны.

У папрок Дураву ставіцца таксама тое, што ён пасля арышту ў Францыі пачаў супрацоўнічаць з праваахоўнымі органамі еўрапейскіх краін, аднак запытам расійскіх сілавікоў па-ранейшаму адмаўляе. Таксама не задавальняюцца запыты “Роскомнадзора” аб выдаленні кантэнту.

Нагадаем, з 10 лютага ў Расіі сталі запавольваць Telegram.