ПВТ апублікаваў палажэнне аб парадку працы крыптабанкаў з токенамі

Рэдакцыя Reform.news · 12 мая 2026, 13:23

https://reform.news/be/pvt-apublikava-palazhjenne-ab-paradku-pracy-kryptabanka-z-tokenami/

Адміністрацыя Парка высокіх тэхналогій апублікавала Палажэнне аб парадку ажыццяўлення крыптабанкамі дзейнасці з выкарыстаннем лічбавых знакаў (токенаў). Яно было зацверджана Наглядальным саветам ПВТ 15 красавіка.

«Прадугледжана магчымасць ажыццяўлення крыптабанкамі 11 відаў аперацый з токенамі, у тым ліку прыцягненне токенаў у крыптаўклады, пазыка токенаў, стэйкінг, заклад токенаў, крыптагарантыі, кастадыяльнае захоўванне, трансфер токенаў паміж кліентамі, стварэнне і размяшчэнне ўласных токенаў і іншыя», — адзначылі ў ПВТ.

Будучым крыптабанкам дазволена здзяйсняць здзелкі з 26 токенамі, якія наўпрост замацаваныя ў палажэнні, а таксама з токенамі, створанымі і размешчанымі крыптарэзідэнтамі ПВТ у рамках ICO.