Прызначаны паслы Беларусі ў Лівіі і Афганістане

Рэдакцыя Reform.news · 11 чэрвеня 2026, 12:20

https://reform.news/be/pryznachany-pasly-belarusi-livii-i-afganistane/

Аляксандр Лукашэнка прызначыў паслоў Беларусі ў Лівіі і Афганістане. У абодвух выпадках яны будуць выконваць свае місіі па сумяшчальніцтве.

Пасол Беларусі ў Егіпце Яўген Сабалеўскі прызначаны таксама паслом у Дзяржаве Лівія па сумяшчальніцтве. Трэба адзначыць, што ён ужо таксама прадстаўляе Беларусь у Алжыры, Амане і Судане, а таксама пры Лізе арабскіх дзяржаў.

Пасол Беларусі ва Узбекістане Аляксандр Агароднікаў таксама стаў паслом у Афганістане па сумяшчальніцтве.