Прэзідэнт Польшчы сустрэўся з Алесем Бяляцкім у Варшаве

Рэдакцыя Reform.news · 22 красавіка 2026, 15:33

https://reform.news/be/prjezidjent-polshchy-sustrje-sja-z-alesem-bjaljackim-u-varshave/

Прэзідэнт Польшчы Караль Наўроцкі сустрэўся з лаўрэатам Нобелеўскай прэміі міру, заснавальнікам праваабарончага цэнтра “Вясна” Алесем Бяляцкім. Сустрэча праходзіць проста цяпер, паведамілі ў “Вясне”.

Суразмоўцы абмяняліся падарункамі. Бяляцкі падарыў прэзідэнту кнігі беларускіх пісьменнікаў, а Наўроцкі падарыў яму мініяцюру з выявай Тадэвуша Касцюшкі.

Прэс-сакратар прэзідэнта Польшчы Рафал Ляськевіч апублікаваў у X фота сустрэчы.

“Сустрэча прэзідэнта Рэспублікі Польшча Караля Наўроцкага з беларускім праваабаронцам, зняволеным рэжыму Аляксандра Лукашэнкі Алесем Бяляцкім”, – падпісаў ён здымак.

Нагадаем, сёння Бяляцкі таксама сустрэўся з маршалкам Сената Польшчы Малгажатай Кідава-Блоньскай.