Польскія вайскоўцы заявілі пра парушэнне паветранай прасторы расійскім Мі-8

Рэдакцыя Reform.news · 23 верасня 2026, 14:40

https://reform.news/be/polskija-vajsko-cy-zajavili-pra-parushjenne-pavetranaj-prastory-rasijskim-mi-8/

Аператыўнае камандаванне польскіх Узброеных сіл заявіла пра залёт у паветраную прастору краіны расійскага ваеннага верталёта Мі-8.

«Інфармуем, што 23 верасня ў 11:08 раніцы на поўнач ад Бранева верталёт Мі-8 Узброеных сіл Расійскай Федэрацыі на кароткі час парушыў паветраную прастору Польшчы», — гаворыцца ў паведамленні.

Верталёт ляцеў з Калінінградскай вобласці. Ён заляцеў у польскую паветраную прастору на 300 метраў і знаходзіўся ў ёй 42 секунды.

Мі-8 адсочваўся польскімі радарамі, у паветра былі паднятыя знішчальнікі.

«Характар інцыдэнту сведчыць пра тое, што Расія ў чарговы раз правярае гатоўнасць нашых сістэм СПА. Польскія сістэмы СПА знаходзяцца ў рэжыме кругласутачнага назірання, пастаянна знаходзячыся ў стане гатоўнасці для забеспячэння бяспекі паветранай прасторы Польшчы», — дадалі ў камандаванні.