Фото: Straż Graniczna
Польскія памежнікі выявілі 4 партыі паветранай кантрабанды з Беларусі. Пра гэта праінфармаваў Падляшскі аддзел Памежнай аховы Польшчы.
Усе нелегальныя пасылкі з цыгарэтамі былі выяўленыя супрацоўнікамі памежнай заставы ў Кузніцы.
Дзве партыі былі дастаўленыя праз мяжу з дапамогай дронаў, а яшчэ дзве — на метэазондах.
Кошт кантрабандных цыгарэт ацэньваецца ў 92 тыс. злотых (больш за 25 тыс. долараў).